Маслов Сергей Николаевич — суретші, көркем мәтіндердің авторы, медиа-арт пен объектілердің суретшісі. Педагогика ғылымдарының кандидаты (1986).

Самарада дүниеге келген, Алматыда, Семейде тұрып, жұмыс істеген. 1973-1978 жылдары Қазақ мемлекеттік педагогикалық институтында көркемсурет-графика факультетінде,  1983 жылдан 1985 жылға дейін – Мәскеудегі Педагогика Ғылымдары Академиясының көркемдік тәрбие ғылыми-зерттеу институтының аспирантурасында оқыды.

Маслов өзінің көркемдік тәжірибесінде әртүрлі медиа – инсталляцияны, бейнені, перформанс, кескіндемені қолдана отырып, өзінің мифологиясын жасады. Суретші әртүрлі рухани тәжірибелерден, ілімдерден шабыттанды және оның стилін «Шығыс мистицизм» деп сипаттады. Оның туындылары көптеген философиялық идеялар мен психологиялық күйзелістерді бейнелейді. Сергей Масловтың шығармаларында ежелгі көшпенділердің, рухтардың және өзге ғаламшарлықтардың архаикалық бейнелері жиі кездеседі. Даланың таңғажайып дәстүрлерімен қатар, ғарыш кеңістігінде өмір сүру суретші үшін басты тақырыптардың бірі болып табылады. Музей экспозициясында Сергей Николаевич Маслов «Менің Уитниім» картинасымен ұсынылған (американдық әнші және актриса Уитни Хьюстон (1963-2012) шебердің шығармашылық өмірінде оның музасы, шабыты мен махаббаты болды).