Гаев Николай Степанович — суретші-график, кітап иллюстраторы. ҚазКСР Халық суретшісі. Қазақстан Суретшілер Одағының мүшесі. КСРО Суретшілер Одағының мүшесі.

Ресей, Қорған облысы, Медвежье ауылында дүниеге келген. 1941 жылы Свердлов көркемсурет училищесін бітірген. Ұлы Отан соғысы майдандарында соғысқан. Демобилизациядан кейін Алматыда тұрды. 1947 жылы «Қазақфильм» киностудиясында, «Казучпедгиз» оқу әдебиеті баспасында, 1955 жылдан 1962 жылға дейін «Қазгослитиздат» көркем әдебиет баспасында жұмыс істеді.

Негізінен линогравюра, офорт, станоктық сурет техникасында жұмыс істеді. Қазақстан тарихына, қазіргі заманның еңбек ерлік салтына арналған графикалық сериялардың авторы. Осындай жұмыстардың бірі – «Торығу» «Естеліктер» топтамасынан линогравюрасы.