Мүгедектігі бар адамдар үшін ақпараттың қолжетімділігін қамтамасыз ету кез келген заманауи музейдің басым міндеттерінің бірі болып табылады. ШҚО білім басқармасының мәліметі бойынша Семейде бүгінгі таңда ерекше білім беру қажеттіліктері бар 2500-ден астам бала тұрады, олардың 945-і мүгедек.

Сондықтан, 2014 жылы БҰҰ-ның Қазақстандағы бірлескен даму бағдарламасының «Әлеуметтік және экономикалық қызметтерге қол жетімділікті жақсарту» гранттық жобасы аясында музейде есту қабілеті бұзылған келушілерге арналған бағдарлама жүзеге асырылды. Ым-ишарат тілінде музей суреттерінің презентациясы бар фильм әзірленді (сурдоаудармамен бейне экскурсия) және арнайы сенсорлық экран сатып алынды, онда үнемі 3Д форматында музейдің басты залдарының көріністері оларда экспонатталатын суреттермен көрсетіледі.

Сонымен қатар, ағымдағы 2022 жылы «Дара» қорының (Алматы қ.) және «Gala Global Group» аударма компаниясының (Нұр-Сұлтан қ.) қолдауымен кезекті маңызды оқиға – көру қабілеті бұзылған балаларға арналған «Невзоровтар музейіндегі аудиодескрипция» жаңа жобасы басталды. Жобаның демеушісі — құрылтайшысы Гүлнар Досаева болып табылатын қайырымдылық қоры Қазақстанда инклюзивті қозғалысты ілгерілету бойынша үлкен жұмыс жүргізуде. Музей үшін олардың күш-жігерінің арқасында балаларға арналған экскурсия мәтіндері жазылған тактильді модельдер мен аудио нұсқаулықтар жасалды.