«Алыс планета» (техникасы – тұзды акварель).
Ерекше акварель техника, баланың өрісін кеңейтетін космос тақырыбына, байланысты викторина.
«Ертегілер ғажайыбы» (үйдегі театр).
Қуыршақтар театрында өздері қолдан жасаған қуыршақтармен сүйікті ертегілер бойынша қойылымдар дайындау.
«Қазақтың ұлттық киімі» (аралас техника) .
Балалар түрлі – түсті иллюстрацияларда көрсетілген қазақтың ұлттық киімдерімен танысады. Оларды «Алпамыс батыр» ертегілерінің кейіпкерлері қарсы алады. Балалар өздері модель болып, киініп тігеді. Өз киімдерін қуыршақтарға кигізеді.
«Қағаз шеберлері» (оригами өнері)
Оригами – күрделі де қызықты техникалы өнер.
«Сиқырлы өрнектер» (қазақтың ұлттық өрнектері) (техника-аппликация).
Балалар «ОЮ – хан және ЖОЮ — хан» ертегісін көре отырып, қазақ халқының ұлттық ою – өрнектерінің түрлерімен танысады. Түскиіз тігіп үйренеді.
«Қамырмен жұмыс»
Қамырдан мүсіндер жасау. Балалар қамырдан әртүрлі жануарлардың мүсінін жасайды.
«Кракле» (жұмыртқа қабығынан мозаика жасау).
Жұмысқа жұмыртқа қабығы, қылқалам, бояу, қағаз, мата пайдаланылады. Балалар қол моторикасын дамытады.
«Флористика» табиғи материалдардан панно жасау.
Гүл, жапырақ т.б. табиғи материалдармен жұмыс жасау. Күнделікті қарапайым нәрседен ғажайып дүние шығару.
«Нүкте, нүкте, үтір…»
Техника – пуантилизм. Француз пуантилист шеберлері өнерімен танысып, «нүктелер» жанрын үйрену.
«Орыс ұлтының киімі» (бұрау техникасы).
Орыс халқының ұлттық киімі тарихымен танысады. Орыс суретшілерінің шығармалары арқылы ұлттық киімдерінің үлгілерін көрсетеді.
«Бұрау» техникасын қолданып қуыршақ жасайды.
«Құрақ құрау» (аппликация техникасы).
Пэчворк өнерімен танысып, құрақтар арқылы сюжеттер құрайды.
Тренингтер слайд, бейнефильм көмегі арқылы жүзеге асады. Мұражай сабаққа керекті барлық құрал-жабдықтармен қамтамасыз етеді.