Тәуелсіздік туы астында

Абай облысындағы Невзоровтар отбасы атындағы облыстық бейнелеу өнері музейі Қазақстан Республикасының Тәуелсіздік күніне орай Семей қаласындағы Электротехникалық колледж студенттері үшін интеллектуалдық ойын ұйымдастырды. Балалар туған ел тарихы бойынша білімдерін сынап, өзара бақ сынасты.

Ойын үш кезеңде өтті, әр кезең әртүрлі сұрақтар түрін қамтыды. «Бәйге» раунды қатысушылардың ойлау жылдамдығы мен білім тереңдігін тексерді — студенттер сұрақтарға тез әрі нақты жауап беруге тиіс болды. «Таңдау бар» және «Қара жәшік» раундтары логикалық ойлау қабілетін, ақпаратты талдауды, қорытынды жасау және дәлелді тұжырымдау бойынша машықтарын бағалады.

Қазақстан Республикасының Тәуелсіздік күніне арналған интеллектуалдық ойын қатысушылар үшін тек қызықты жарыс қана емес, сонымен қатар дүниетанымдарын кеңейтуге, ұлттық тарихтың маңызды белестерін еске алуға және елдің тәуелсіздігінің құндылығын тағы бір мәрте бағалауға мүмкіндік болды. Іс-шара жылы әрі белсенді атмосферада өтті, ал музей тағы да жастардың патриотизмді, сыни ойлауды дамытуға және Қазақстан тарихына қызығушылығын арттыруға арналған алаң екенін дәлелдеді.