Музей қызметкерлері «Қастеев оқулары – 25» конференциясында баяндамаларын ұсынды
Қазақстан Республикасының Абылхан Қастеев атындағы Мемлекеттік өнер музейінде жыл сайын өткізілетін ғылыми конференция – Семей қаласындағы Абай облысы, Невзоровтар отбасының атындағы облыстық бейнелеу музейінің ғылыми өмірі үшін маңызды оқиға. Қызметкерлер үшін бұл тек әріптестермен тәжірибе алмасып, Қазақстанның әртүрлі музейлеріндегі жаңа зерттеулер туралы білу мүмкіндігі ғана емес, сонымен қатар өздерінің жаңалықтары мен идеяларын таныстыруға мүмкіндік береді.
Биылғы конференция Қастеев музейінің 90 жылдық мерейтойына арналған. Конференция жұмысына Невзоровтар музейінің ғылыми жұмыс жөніндегі директорының орынбасары Халитова Ильвира Ахметжанқызы және кіші ғылыми қызметкер Сивашова Юлия Валерьевна қатысты.
Ильвира Ахметжановна «Нұрбұлан Өтепбаевтың шығармашылығы» тақырыбында баяндамамен шықты. Бұл семейлік суретші-график, профессор және педагог, қазақ тілінде көркем өнер бойынша оқу құралдарының авторы, былтыр өмірден озғанымен, оның мұрасы қала мәдени байлығының маңызды бөлігі болып қала береді. Баяндамасында Ильвира Ахметжановна шебердің өмір жолы мен шығармашылығын жан-жақты сипаттап, оның қазақ өнерінің дамуына қосқан үлесінің маңыздылығын ерекше атап өтті.
Юлия Валерьевна Сивашованың стендтік баяндамасы «Музейлік квест – мәдени-ағартушылық жұмысты ұйымдастырудың инновациялық әдістерінің бірі (Невзоровтар отбасының атындағы облыстық бейнелеу өнері музейінің тәжірибесі мысалында)» тақырыбында болды. Ол музейде ойын формаларын білім беру ісіне енгізу тәжірибесіне арналған. Бірнеше жылдан бері музей бұл жобаларды сәтті жүзеге асырып келеді, және олар әртүрлі жас топтарындағы келушілерді өнер әлеміне тартудың тиімді әрі сұранысқа ие тәсіліне айналды.
Конференцияға қатысу музей қызметкерлері үшін маңызды тәжірибе болды. Бұл оларға кәсіби байланыстарды кеңейтуге, білім алмасуға мүмкіндік беріп қана қоймай, Семей қаласындағы Невзоровтар атындағы музейдің Қазақстанның ғылыми және мәдени өмірінде белсенді қатысушы ретінде маңыздылығын айқын көрсетуге жол ашты.
