Музейде жаз басталды!

Мектеп аяқталды. «Алақай», — деді балалар. «Алақай», — деді ата-аналар. — Уһ, — деді мұғалімдер.

Мектеп аяқталды, бірақ мектеп жанындағы лагерьлер кезеңі басталды. Балалардың көңілін көтеру керек, әрине, қалада балалармен бірге баруға болатын көптеген орындар бар. Киноға, саябаққа немесе музейге баруға болады.

Невзоровтар отбасы атындағы облыстық бейнелеу өнері музейінде қызу кезең басталды. Мұнда күн сайын ондаған бала келеді. Бұл дегеніміз олардың баратын жері болмағандықтан емес. Қалада ойын-сауықтыру орындары көп. Алайда, музейде шынымен өте қызықты! Егер біреу музейге бару тек залдарды аралап, суреттерді көріп, экскурсоводты тыңдау деп ойласа, онда ол қателеседі!

Осы жазда, әдеттегідей, музей көптеген қызықты іс-шараларды ұсынады. Балаларға арналған экскурсиялардан басқа, олар әдеттегіден, классикалық экскурсиялардан ерекшеленеді, музейде түрлі шығармашылық тренингтер өткізіледі. Мұнда әр түрлі көркемдік әдістер мен тақырыптар шығармашылық қиялды дамытуға кең мүмкіндіктер береді. Тұзды акварель, аппликация, пуантилизм – бұл балалар шығармашылық тренингтерде жұмыс істейтін кейбір әдістер. Бұл олардың аз ғана бөлігі.

Зияткерлік демалыс әуесқойлары үшін музей әртүрлі квесттер ұсынады. «Кітап парақтарымен» — кіші және орта жастағы балаларға арналған ойын-сауық және зияткерлік ойын. Ересек балаларға электронды ойындар бар. Сізге тек мобилді телефон және QR кодын сканерлеу бағдарламасы қажет. Сканерлейміз, ойынға кіреміз және — музей залдарымен…алға.

Екі ойын – «Шұбар тауық» және «Мысық және Винчи» –  әртүрлі тапсырмаларды ұсынады, оларды тек музей залдарын аралау арқылы орындауға болады. Музейге баруды қажет етпейтн, тағы бір ойын бар. ISCHI – ұқсастықты іздеу. Сіз үйде немесе мектепте ойнай аласыз, бірақ алдымен музейге келіп картиналарды көрген дұрыс.

Айдың басынан бастап күн сайын музейге келетін балалардың саны артуда. Бұл тек бастамасы. Айдың соңына дейін әр жұмыс күніне арналған тренингтер, квесттер мен экскурсиялар жоспарланған. Егер біреуге жаз салқын болып көрінсе, музейде ыстық жаз басталып кетті!