Лебедев Владимир Васильевич — орыс және кеңес суретшісі, график. Плакат, кітап және журнал иллюстрациясының танымал шебері, Ленинград кітап графикасы мектебінің негізін қалаушы. РСФСР Халық суретшісі (1966), КСРО Өнер академиясының корреспондент мүшесі (1967).

Санкт-Петербургте механик отбасында дүниеге келген. Петров коммерциялық училищесін, А.И. Титовтың жеке студиясын (1909), Ф.А. Рубоның батальдік кескіндеме шеберханасын (1910-1911) бітірген. 1912-1914 жылдары М.Д. Бернштейннің жеке өнер мектебінде оқыды.

Портрет әрдайым суретшінің қызығушылығын тудыратын. Лебедев оны өзіндік ерекшелігімен баурап алған модельдерді ғана салған. Олардың бірі, сөзсіз, музей коллекциясының «Көк көйлек киген кекілді қыз» картинасының кейіпкері.