Архипов Абрам Ефимович орыс өнері тарихына өз шығармашылығын орыс ауылын, қала кедейлерінің өмірін бейнелеуге арнаған суретші ретінде кірді.

Архипов Мәскеу кескіндеме, мүсін және сәулет училищесі мен Императорлық өнер академиясын бітірді. Жылжымалы сурет көрмелері серіктестігінің белсенді мүшесі, әйгілі «Орыс Суретшілер Одағы» көркемөнер бірлестігінің құрылтайшысы. 1917 жылғы төңкерістен кейін революциялық Ресей суретшілер қауымдастығының мүшесі болды. Абрам Ефимович бір кездері бітірген училищеде шамамен 20 жыл сабақ берді. Алғашқылардың бірі болып РСФСР халық суретшісі атағы берілді.

«Арба үстіндегі жас шаруа әйел» полотносы суретшінің шығармашылығында жаңа тенденция (әлемнің қуанышты сұлулығын растау, халық өмірінің жарқын жақтарын көрсету)  пайда болған 1890 жылдары орындалды.