Музей түні 2021

Уақыт тез зымырауда. Тағы бір «Музей түні» өте шықты. Биыл, бұрынғыдай, біз музей қонақтарымен кезекті мерекелік кездесуді онлайн форматта дайындап, өткіздік.

Биылғы бағдарламада көптеген қызықты оқиғалар болды. Күндізгі уақытта музей өз есігін тегін ашты, ал сағат 18.00-ден бастап барлық музей аккаунттарында кештің мерекелік іс-шаралары туралы шағын бейнесюжеттер көрсетілімі басталды.
Олардың ішінде екі экспозициядан тұратын «Кітап тарихы» көрме жобасы орталық негізі: біздің замандасымыздың, танымал алматылық суретші Ассоль Састың графикалық постерлерінің көрмелері және кітаптың аға буын кеңес суретшілерінің қорларынан, ХХ ғасырдың танымал қазақстандық және ресейлік графиктерінен тұратын иллюстрациялар көрмелері болды.
Жоба оқуға деген сүйіспеншілікті тәрбиелеуге бағытталған және бізге бейнелеу өнерінің кітап жасау өнері сияқты ерекше және тәуелсіз саласы туралы ой қозғауға мүмкіндік берді.

Музейдің балалар көркемсурет студиясының оқушыларымен қызықты квест-викторина мерекенің қызықты ерекшелігі болды. Шын мәнінде квест — бұл қызықты оқиғалық ойыны, оған қатысушылар музей кеңістігінде алдын-ала дайындалған тапсырмаларды орындайды. Әр түрлі жастағы балалар Ассоль Сас шығармалары бойынша жұмбақтар жинады, экспозицияда ұсынылған халық ертегілеріне иллюстрациялардың авторларын тапты, карталардағы суреттерден айырмашылықтар тапты, көркем әдебиет мәтіндерінен жолдарды тапты. Квест жеңімпаздары өнер бойынша кітаптармен марапатталды, ал бас жүлде — Ассоль Сас суреттері бар кітап – ең көп ұпай жинаған студия оқушысы Осьмакова Миланға бұйырды.

Жақында музейде ұйымдастырылған жастар клубының ең адал достары үшін музей қызметкерлері екі шеберлік-сабақ: суық фарфор және аквамонотипия бойынша ұйымдастырды. Олардың мақсаты — дәстүрлі емес көркем шығармашылыққа деген қызығушылықты арттыру.

Кеш соңында М.Төлебаев атындағы музыка училищесінің 4 курс студенттері Аймара Жексенбинова (скрипка) және бард-рок бағытын орындаушылар Әубәкірова Тимур (гитара), Гамбург Андрей (гитара) өнер көрсетті.

Ал, «Музей түні» өтті! Оның қалай өткенін Сіздер біздің аккаунттарымыздан көре аласыздар. Жаңа жылда жаңа кездесуге дейін!