Туған күніне арналған жеке көрме
Бүгін қаламыздың тамаша суретшісі, Семей қаласының Қазақстан Суретшілер Одағы бөлімінің төрағасы Төлеуғазы Жұванышевқа 65 жыл толады. Кескіндемеші және график, еркін суретші және мұғалім, ол Невзоровтар отбасы атындағы облыстық бейнелеу өнері музейіне келушілерді бірнеше мәрте суреттерімен қуантқан, ал бүгін музей залдарында оның мерейтойлық көрмесі ашылды.
Төлеуғазы Жұванышев – көп қырлы суретші. Оның жұмысында портреттер мен пейзаждар бар, ол кескіндеме мен графика өнерінде жұмыс істейді. Бүгін көрермендер назарына көптеген азаматтарға таныс тұлғалар образы: қазақстандық ғалым және ғылыми абайтанудың негізін қалаушы Қайым Мұхамедханов («ҚАЙЫМ АҒА»), ақын, әнші және өнертанушы Нұрқасым Құсмилия («ҚҰСМИЛИЯ АҒА»), Шәкәрім атындағы университет профессоры, Халықаралық педагогикалық білім беру ғылымдары академиясының корреспондент-мүшесі, ҚР Педагогика Ғылымдары Академиясының академигі Мадвакас Мырзақанов («М.С. МЫРЗАХАНОВ») және басқалар да ұсынылады. Анасының портреті ерекше сүйіспеншілік пен нәзіктікпен салынған. Портреттен күлімсіреп тұрған («АЙЖАН») қыздың бейнесі көрме кеңістігін жарықтандырып тұр. Пейзаждар («Мамыргүл», «Күңбағыстар», «Демалыста», «Орманда») қарапайымдылық пен жан тыныштығына толы.
Көрме ашылған күні Төлеуғазы Рахымұлы өзінің мерейтойын, 65 жылдығын атап өтуде. Ол көрермендермен, музей қызметкерлерімен әңгімелесіп, сұрақтарға жауап беріп, жоспарларымен бөлісті.
«Мен қазір сюжеттік туындылар жасағым келеді. Мүмкін халық эпосынан бір нәрсе… Бірақ натура табу маңызды. Тұлғалар, образдар».
Суретші әрдайым нағыз тірі болмыспен жұмыс істеудің маңыздылығын атап өтеді, онда жарықтың құбылуы қандай, эмоциялар қалай сезіледі, кейіпкер қалай түсінілетіндігін көру үшін.
Құрметті Төлеуғазы Рақымұлы! Невзоровтар отбасы атындағы облыстық бейнелеу өнері музейінің ұжымы және оның барлық келушілері Сізді бүгін Туған күніңізбен және жеке көрменіздің ашылуымен құттықтайды. Шығармашылық ізденіс әрқашан қуаныш әкелсін, сіздің талантыңыз таусылмасын және барлық ойластырылған жобалар жүзеге асырылсын және сіздің керемет туындыларыңыз бейнелеу өнерінің барлық әуесқойларын ұзақ уақыт қуантсын.
