Нарымбетов Молдақұл Сұлтанұлы – суретші-кескіндемеші, мүсінші, объектілердің, инсталляциялар мен перформанстардың авторы. КСРО Суретшілер Одағының мүшесі.

Оңтүстік Қазақстан облысы Глаба-Сай ауылында дүниеге келген. 1974 жылы П.П. Беньков атындағы Ташкент көркемсурет училищесін, 1990 жылы Абай атындағы Қазақ мемлекеттік педагогикалық институтының көркемсурет-графика факультетін бітірген. Қалалық, республикалық, халықаралық көрмелер мен жобалардың белсенді қатысушысы.

Молдақұл Нарымбетовты өзінің ерекшелігін тауып, айқын көрсете білген суретшілерге жатқызуға болады. Ол жалпылау арқылы, кең, сенімді, кейде экспрессивті бояу жағындылар арқылы кескіндеме тәсілін ерекше жетілдіреді. Нарымбетов түс, пішін және кеңістік мәселелерін бірінші орынға қояды. Оның кескіндемесі сезімтал және нәзік тоналды қатынастармен ерекшеленеді. Суретші бізге қасиетті нәрсені жеткізу үшін ирониялық, жеңіл, қарапайым құралдарды пайдаланады: өмір жиі қиын және тағдыр әділетсіз, бірақ бұл барлық жұмысты сырып қойып, жай ғана қол қусырып отыруға себеп бола алмайды. Қандай жағдай болмасын, өмір оны жақсы көруге және ол үшін күресуге тұрарлық. Нарымбетовтің «Жел» жұмысы да осындай идеяларға толы.