Кітапхана қоры музейдің құрылу сәтінен бастап, 1985 жылдан қалыптаса бастады, қазір ол мемлекеттік, орыс және шет тілдерінде 11 мыңға жуық жинақты қамтиды.
Қордың негізі және оның ерекшелігі музей бейіні — бейнелеу өнерімен анықталды. Кітапхана жинағы сонымен қатар барлық гуманитарлық ғылымдар бойынша әдебиет топтамаларын қамтыған. Мұнда ежелгі және жаңа халықтар тұрмысын, өнерді зерттеу бойынша әдебиеттер шоғырланған: энциклопедиялар, альбомдар, көркем көрмелер каталогтары, сөздіктер, өнердің кең басылымдар мұрағаттары, өнер тарихы туралы әдеби әзірлемелер, көркем әдебиет, оның ішінде «Бүкіләлемдік әдебиет кітапханасы».
Кітаптар «Книготорг» бибколлектор, дүкендер, букинистік дүкендер арқылы сатылып және жаздырылып алынды, сый тарту ретінде түсті. Невзоровтар отбасыда картиналардаң тыс өнер туралы кітаптар, монографиялар, каталогтар және т.б. сыйға тарту етті.
1980 — 1990-шы жылдары Семей қаласындағы Кеворковтар отбасы және белгілі педагог В.Ф. Крицтен бай меншік кітапханалары алынды. Олар көркем әдебиет, өнер тарихы, эстетика, философия, тарих бойынша кітаптар. Сол жылдардағы іргелі басылымдар өз құндылығын жоғалтқан емес, өйткені олар шағын тиражды және қазір библиографиялық сирек кездесетін басылымдарға айналды. Көптеген суретшілер, өнертанушылар алғыс білдіріп музейге кітаптар, альбомдар сыйлаған. Музей қызметкері, Қ.Р. Ысқақова қордын қалыптасуына үлкен үлес қосқан.
Кітапханада музей басылымдарымен (барлық басылымдары ұсынылған) танысуға болады: Жолсілтеме-альбом, музейдің 25-жылдығына арналған альбом, Невзоровтар отбасының сый тартулар каталогы, «Қазақстан бейнелеу өнері» каталогы, ғылыми конференциялар жинақтамалары, барлық көрмелердің каталогтары.
Кітапхана қоры көп жылдар бойы бейіні бойынша мерзімді басылымдармен үнемі толықтырылып келеді, мысалы «Художник», «Искусство», «Декоративное искусство», «Музей», «Мир музея», «Русское искусство», «Русская галерея», «Мәдени мұра», «Мәдениет», «Изобразительное искусство», «Искусство в школе», «Искусство. Первое сентября», «Юный художник» » және т.б.
Өнертанымдық әдебиеттердің кең таңдауы, қазірдің өзінде өнер тарихы мен теориясы туралы кітаптар мен журналдардың өте жүйелі жинағы өнертану, мұражай педагогикасы және басқа да гуманитарлық ғылымдар саласында музейдің ғылыми-зерттеу қызметіне көмегін тигізуде.
Соңғы жылдары көп кітап мемлекеттік тілде түсуде. «Мәдени мұра» бағдарламасына сәйкес көптеген альбомдар, каталогтар үш тілде шығарылады.
Музей кітапханасының оқу залы студенттер, оқытушылар және барлық өнер сүйгіш, кәсіби әуесқойларды шақырады.