Невзоровтар отбасы атындағы облыстық бейнелеу өнері музейінде татар мәдени орталығының жұмыстарының көрмесі
«Алтын төрки бишеге» татар мәдениеті орталығы» ҚҚ президенті Ахунжанов Габдулхак Габдуллаұлының бастамасымен XXV халықаралық «Көзге Иртыш моңнары» татар өнері конкурс-фестивалі қазір Семейде өтуде. Бұл көптеген қызықты мәдени іс-шаралар жоспарланған мерейтойлық фестиваль, олардың бірі – Невзоровтар отбасы атындағы облыстық бейнелеу өнері музейінде бейнелеу және сәндік-қолданбалы өнер көрмесі. Бұл ауқымды іс-шара, онда қатысушылар Қазақстан мен Ресейдің әртүрлі аймақтарын таныстырады.
Сәндік-қолданбалы өнер – халықтың жаны, еңбекте қалыптасқан әуені, сұлулыққа айналған күнделікті өмір. Кестелеп безендірілген немесе киіз басу техникасымен жасалған тұрмыстық заттар, тоқыма қуыршақтар, әшекейленген ыдыс-аяқ, сондай-ақ балалар суреттері музей залдарындағы витриналар мен қабырғаларда орналасты. Балалар – Татар өнер мектебінің оқушылары, Шульбинск, Новобаженово, тіпті Томск қалаларынан келген қонақтар түрлі тақырыптағы түрлі-түсті суреттерін ұсынды. Шыны моншақтармен, майда моншақтармен кестелеу, көркем аппликация, ағашқа күйдіріп өрнек салу — ұсынылған жұмыстардың барлық түрлерін бір мақалада сипаттап шығу мүмкін емес! Қатысушылардың жас ерекшеліктері де әртүрлі. Сондықтан қазылар алқасының әділ пікірі үшін әртүрлі номинациялар ұсынылды.
Байқау жеңімпаздары 7 жастан 17 жасқа дейінгі және 17 жастан асқан санаттар бойынша кескіндеме және сәндік-қолданбалы өнер номинациясында жеке айқындалатын болады. Қазылар алқасының мүшелері арасында біздің қаламыздың ғана емес көркемдік қоғамдастықтың өкілдері бар. Олардың ішінде – Муллашев Камиль Валиахмедович – кескіндемеші, Қазақстан Республикасының Еңбек сіңірген қайраткері, Қазақстан Республикасы Суретшілер Одағының мүшесі, Татарстан Республикасының Халық суретшісі, Султанова Рауза Рифкатовна – өнертану докторы, Татарстан Республикасы Ғылым Академиясының Г. Ибрагимов атындағы Тіл, әдебиет және өнер институтының өнертану орталығының меңгерушісі, ТР (Қазан, Татарстан) еңбек сіңірген өнер қайраткері, сондай-ақ музей өкілдері — ағарту және маркетинг жұмысы бөлімінің мамандары Сарсембина Галия Джумажановна және Белякина Наталья Александровна.
Өкінішке орай, әртүрлі жағдайларға байланысты көрме музейде ұзақ уақыт болмайды. Кейбір жұмыстар фестиваль аяқталысымен иілеріне қайтарылады. Конкурс нәтижелері 26 қазанда жарияланады. Сондықтан, татар мәдениетінің құрметті білгірлері, кескіндеме және сәндік-қолданбалы өнерді сүйетіндер, көрмеге бару мүмкіндігін жіберіп алмаңыз! Уақыт өте аз!
