Россотрудничество өкілі мен вице-консул музейде болды

Абай облысының Невзоровтар отбасы атындағы облыстық бейнелеу өнері музейі — Семей қаласы мен өңірдің мәдени өмірінде өзіндік орны бар өнер ордасы. Бүгін музейімізге Қазақстан Республикасындағы Россотрудничество өкілдігінің басшысы Ирек Хайдарович Зиннуров және вице-консул, Өскемен қаласындағы Россотрудничество өкілдігінің басшысы Александр Андреевич Дяченко келді.

Қонақтар музейдің бай қорымен танысып, қазақ, орыс және шетел өнерінің таңдаулы туындыларын тамашалады. Экскурсияны музей директоры Татьяна Александровна Стромская жүргізді.

Кездесу барысында тараптар пікір алмасып, мәдени мұраны сақтау және насихаттау, сондай-ақ мәдени-ағартушылық жобаларды бірлесіп жүзеге асыру және гуманитарлық ынтымақтастықты дамыту мүмкіндіктерін талқылады. Музей экспозициясы қонақтардың ерекше қызығушылығын оятты. Мәдени мұраны сақтау және кеңінен насихаттау мәселелеріне, сондай-ақ бірлескен мәдени-ағартушылық жобаларды жүзеге асыру мүмкіндіктеріне ерекше назар аударылды.

#НевзоровтарМузейі #Семей #АбайОблысы #Россотрудничество #ҚазақстанМәдениеті #МәдениЫнтымақтастық #Өнер #ҚазақстанМузейлері