Елена Сергеевна Бейсембинованың туғанына 85 жылдығына орай.

2026 жылғы 24 шілдеде кескіндеме, графика, кітап иллюстрациясы және анимациялық кино өнерін өз шығармашылығында тоғыстырған суретші Елена Сергеевна Бейсембинованың туғанына 85 жыл толады.

Суретшілер отбасында дүниеге келіп, Киев пен Мәскеуде білім алған Елена Бейсембинова өз өмірі мен шығармашылығын Қазақстанмен байланыстырды. Дайындық курстарында Қазақстаннан келген студент Арсен Бейсембиновпен танысып, тұрмыс құрғаннан кейін Қазақстан оның туған үйіне айналды. Осы өлкеде табиғатқа деген сүйіспеншілікке, уақыттың нәзік ағысын сезінуге және сұлулықтың философиялық мәнін ашуға арналған туындылары дүниеге келді.

1962 жылы олардың отбасында ұлдары Зангар дүниеге келді. Кейін ол да суретші атанып, отбасының шығармашылық дәстүрін жалғастырды. 2000 жылы Арсен Бейсембинов өмірден өтті, ал Зангар бүгінде Канадада тұрып, шығармашылықпен айналысады.

Невзоровтар отбасы атындағы бейнелеу өнері музейінің жинағында суретшінің күнделікті тұрмыс заттары мен табиғат көріністері жадының, үйлесімнің және ішкі рухани нұрдың символына айналған кескіндеме және графика туындылары сақтаулы.