Наурыз мерекесі қарсаңында Невзоровтар отбасы атындағы бейнелеу өнері музей қызметкерлері кезекті көшпелі іс-шара, бұл жолы, ШҚО Абай атындағы әмбебап кітапханада өткізді. Жайлы «өлкетану қонақжайында», «Прииртышье» қалалық өлкетану қоғамының дәстүрлі іс-шарасында біздің қаламыздың көркем өмірі туралы дәріс оқылды. Музей қызметкері Ильвира Халитова қонақтарға Семей қаласындағы бейнелеу өнерінің қалыптасу және даму жолдары, ХХ ғасырдың басы мен ортасындағы кескіндемешілердің жұмыстары туралы айтып берді. Шақырылған қонақ ретінде Семей суретшісі Виктор Шмидт сөз сөйледі. Ол студенттік өмір, көрме, болашақ жоспарлары туралы өз естеліктерімен бөлісті. Сөз сөйлеуді қоғам төрағасы Марат Сасанов жалғастырды, ол қонақтарға өз коллекциясынан Семей суретшісі Анна Белослюдованың жұмыстары туралы әңгімелеп берді.
Дәрістен басқа, музей қызметкерлері Семей суретшілерінің «Күлгін аспан суретшілері» атты суреттерінің көрмесін, сондай- ақ музейдің кітап басылымдарының көрмесін ұсынды. Іс-шараға барлығы 70-тен астам адам қатысты: суретшілер, өлкетанушылар, өнер әуесқойлары. «Өлкетану қонақжайында» атты әдемі дәстүр өлкенің тарихына бей-жай қарамайтын адамдарды біріктірді.
