Бүгін, 6 шілдеде бүкіл Қазақстан – сүйікті Елордамыз Астана күнін атап өтуде. Ол жас қала, көңілді және әдемі. Әрқашан жанды, динамикаға толы, қызықты және әсем қала болып қала береді.
Мереке қарсаңында Невзоровтар отбасы атындағы бейнелеу өнері музейі бастауыш және орта мектеп жасындағы оқушыларға арналған пуантилизм техникасы бойынша мастер-класстар сериясын ұйымдастырды.
Пуантилизм – бұл бояулар палитрада емес, оптикалық түрде араласқан кезде таза түспен, нүктелермен немесе бояу түсіру арқылы салынған кескіндеме. XIX ғасырдың аяғында Францияда пайда болған ол неоимпрессионизмнің бүкіл стильдік бағытына негіз болды. Егер біз пуантилизмге тән барлық нәрсені қорытындылайтын болсақ, онда үш сөзбен айтуға болады: бұл «әсер» (impression (фр.)) нүктелермен жазылған.
Музейде өткізілген сабақта Астананың сәулеттік рәміздерінің контурлары бар шаблондар, туған табиғатының көріністері бар пейзаждар, түстану қағидаттарын мұқият сақтай отырып, өрнектеліп, әр түрлі түстерге боялды.
Мұны оларға ғылыми-зерттеу бөлімінің қызметкері, суретші, дизайнер Неделькина Наталья Сергеевна үйретті. Ол оқушыларды түспен сурет салудың қыр-сырымен таныстырып қана қоймай, сонымен қатар елорда, оның тарихы мен сәулеті туралы аздаған мәліметімен бөлісті. Балалар контурлық суреттерді нүктелермен тек бояп қана қойған жоқ. Олар «нағыз суретшілер» сияқты Астанаға саяхаттап, «сапар шекті».
Мастер-класстар бірнеше күн бойы өткізіліп, мектеп оқушыларына арналған музейдің жазғы бұқаралық іс-шаралар маусымының жарқын және оң қорытындысы болды.
Невзоровтар отбасы атындағы бейнелеу өнері музейі барша қазақстандықтарды мерекемен құттықтайды. Қымбатты достар, бейбітшілік пен амандық тілейміз!
