«Көз тартар бейне»

   Халықаралық әйелдер күніне Невзоровтар отбасы атындағы ШҚО бейнелеу өнері музейінің балалар көркем студиясының оқушылары әйелдің көз тартар бейнелері көрмесін тамашалауға шақырады.
   Наурыз айы 8 наурыз Халықаралық әйелдер күнімен басталады. Көктемде күннің әрбір сәулесімен, еріген судың әрбір тамшысымен табиғат оянады, сонымен бірге шексіз уақыт дөңгелегінің жаңа орамдары басталады. Көктем сияқты, біздің аналар бізге өмір сыйлайды! Бұл образ көктем мерекесі тақырыбын ашуда орталық буын болып табылады. Сондай-ақ бізді өмір жолында қоса алып жүрген басқа әйелдер туралы да ұмытпауымыз керек. Бұл біздің әжелеріміз, апа-қарындастарымыз, мұғалімдер мен тәлімгерлер.
   Өз жұмыстарында жас суретшілер махаббат пен нәзіктік сезімімен өздерінің ең қымбат және жақын әйелдерін бейнелейді. Олар бейнелеу өнерінің әртүрлі жанрларында мерекелік тақырыпты ашып отыр. Бірақ бірінші орынды, әрине, мұнда портрет пен сюжеттік көрініс алады. Әр біреуіміз үшін ана — барлық қиындықтардан қорғауға дайын, жылу мен нәзіктікті сыйлайтын, жүрекке қымбат адам. Балалар өз жұмыстарында аналарына «Рахмет!»-ін білдіреді.
   Бірі әлемдік өнердің жауһарларымен шабыттанып, ана бейнесін түсіндірген. Ұлы кескіндемешілерге еліктеп, суретшінің бейнесін қайталауға тырысқан. Кейбір балалар әрі қарай ұлы көркем туындылармен шабыттана, белгілі картиналарға қайта мән беріп отыр. Мысалы, «Шабдалы және қыз», «Шай ішіп отырған көпес әйел» және басқалар. Ал кейбіреуі өз шығармашылығында белгілі кейіпкерлер мен әлемнің танымал әйелдер тұлғаларының бейнелерін жүзеге асырды. Мұнда атақты мексикалық суретші Фрида Кало, су перісі және ертегі ханшайымдар бар.
   Орындау техникасы акварель, гуашь пен пастельден батик және кестелер түріне дейін түрленеді. Сәндік-қолданбалы техника осы мерекенің ерекшелігін атап өтіп, аналар мен әжелеріміз сыйлаған жылулықты еске салады.