Биылғы жылы біздің клубта бейнелеу өнері туралы ғана емес, әлемдік өнер туралы да көп айтылды. Музыка, балет, кескіндеме және графика, жеке шеберлер және бүкіл дәуір туралы дәрістер оқылды. Кезекті кездесу қазақстандық суретшілерге арналды. Бұл Қазақстанның бейнелеу өнеріне арналған екінші дәріс, оны Абешова Жанар Жумагазиновна өткізді. Сюжетті түрде ол қазақстандық бейнелеу өнерінің ертерек даму кезеңіне арналған дәрістің жалғасы болды.
Кеңес өкіметінің алғашқы жылдарында оның негіздері қалай қаланды, Николай Хлудов пен Әбілхан Қастеев қандай үлес қосты, Қазақстанда алғашқы жылжымалы көрме қалай қалыптасты — бұл мәселелердің барлығы бірінші дәрісте зерделеу тақырыбы болды. Енді өткендерін қайталай отырып, Жанар Жумагазиновна бұл тақырыпты одан әрі дамытты. Отызыншы жылдар, осы кезеңде бейнелеу өнерінде нағыз ұлттық суретшілер пайда болады. Олар қазіргі әлем туралы халық түсінімін мүлдем жаңа әсем тілмен жеткізе алды.
Материал кеңінен талқыланды және дәрістің академиялық тоны тыңдаушыларды оны ерекше терең және мұқият түсінуге бейімдеді. Клубқа қатысушылар отандық бейнелеу өнері туралы көбірек білуге шын жүректен қызығушылық танытты, олар уақыттың толқуы мен өнерге деген сүйіспеншілікке бөленді және осы дәрістен кейін тыңдаушылар өз пікірлерін келесідей жеткізді.
«Бүгінгі дәріс үшін шын жүректен алғыс айтамын, ол маған көтеріңкі көңіл-күй, әрине, жаңа білім берді.» (Оксана)
«Мен де бүгінгі клуб отырысынан үлкен рахат алдым. Таңқаларлық кездесу болды. Жанар Жумагазиновна осы қиын кезең — 30-50 жылдар туралы өте көп және нақты мәліметтермен таныстырды. Жалпы соғысқа дейінгі және соғыс жылдарыындағы мәліметтер аз сақталған. Бірақ ол біз үшін өте қызықты материал жинай алды. Бұл дәріс емес, бүкіл ғылыми жұмыс болды. Бүгіде кездесуден кейін ешкімнің қайытқысы келмеді. Ұзақ уақыт бойы қошемет көрсетілді, содан кейін барлық қатысушылар музейде ұсынылған қазақстандық суретшілердің жұмыстарын тамашалағысы келді. Мен «біздің» суретшілер туралы ұзақ күттім, өйткені 20-30 жылдардағы өнер туралы дәріс өткен жылы болған. Жалғасы болады деп үміттенемін. Ал бүгін БРАВО!!!». (Елена)
«Жанар Жумагазиновнаға бүгінгі дәрісі үшін, материалды дайындауда атқарған орасан зор жұмысы үшін үлкен алғыс! Бұл өте қызықты болды».
Дәріс тыңдаушыларға ұнады, яғни жұмыс бекер орындалмады, әрі қарай жұмыс істеуге және көптеген қызықты тақырыптарды дайындауға ынталандыру бар.
