Алдағы мереке, Қазақстан Республикасының Тәуелсіздік күні, Невзоровтар отбасы атындағы облыстық бейнелеу өнері музейінде ерекше, интеллектуалды және танымдық түрде атап өтілді. Қаланың электртехникалық және технологиялық колледждерінің студенттері үшін «Егемендік туының астында» зияттық ойын өткізілді. Онда балалардың Қазақстан тарихы, мәдениеті, географиясы, оның мерекелері мен әдет-ғұрыптары, және, әрине, Конституция туралы білімдері тексерілді.
Ойын «Бәйге», «Таңдау бар» және «Қара жәшік» атты үш сайыстан тұрып, жарыс түрінде өтті. Сұраққа кім тезірек жауап таба алады, қара жәшікте не бар екенін кім тез табады және дұрыс жауап санатын кім тез анықтайды? Жарыс әр колледж студенттері арасында бөлек өтті, сондықтан ойын екі рет өткізілді.
Әрине, жеңімпаздар да, жеңілгендер де болды, ойын соңында жеңімпаздар алты ай бойы музейге тегін бару үшін сыйлық сертификатына ие болды. Енді сертификатта көрсетілген мерзім аяқталғанға дейін балалар музейге кез келген күні келіп, залдарды тегін аралап, кез келген көрмеге бара алады.
Қазақстан Республикасының Конституциясы әрбір азаматтың білім алу құқығына кепілдік береді, ал музей білім алу жолдарын әртараптандыруға тамаша мүмкіндік береді, сондықтан музейдегі зияткерлік ойын әрбір қазақстандық үшін осы маңызды мерекені атап өтудің тамаша тәсілі деп айтуға болады.
