Невзоровтар отбасы атындағы музей Әбілхан Қастеевтің 120 жылдығына арналған ғылыми-практикалық конференциясында

Кез-келген музейге арналған ғылыми-практикалық конференция – бұл музей саласындағы жаңа идеялармен, жаңалықтармен, ізденістермен танысудың, сондай-ақ өзіңізді кең музей қауымдастығына ұсынудың, өз табыстарыңызбен бөлісудің немесе мүмкін болатын өзекті мәселелерді айтудың маңызды мүмкіндігі. Бұл басқа музейдің ғылыми-зерттеу және бұқаралық-ағарту жұмыстары саласында тәжірибе алмасудың және ақпараттандыруды кеңейтудің, сондай-ақ отандық өнертану мен музей ісінің теориялық-философиялық базасын байытудың тамаша құралы.
Қазақстан Республикасының Мемлекеттік өнер музейі жыл сайын «Қастеев оқулары» ғылыми-практикалық конференциясын өткізеді. Биылғы жылы конференция мерейтойлық болып, Ә. Қастеевтің 120 жылдығына арналды. Облыстың Невзоровтар отбасы атындағы облыстық бейнелеу өнері музейі осы көрмеге екі мақала ұсынды. Музей директорының орынбасары Халитова Ильвира Ахметжановна конференцияда оң пікірлерге ие болған «Суретші В.Д. Вучичевич-Сибирскийдің өмірбаянының кейбір фактілері» атты баяндама жасады. Баяндаманың бұрын көптеген музейлерге таныс емес жаңа есімді ашудағы маңыздылығы ерекше болғаны атап өтілді.
Конференцияда ұсынылған екінші мақала «Якоб Фолкеманың «Библиялық көрініс» гравюрасын атрибуциялау мәселесі жөнінде»… музей коллекциясындағы графикалық жұмыстың атауын өзгертуге қатысты болды. Оның авторы – музейдің ғылыми-көрме жұмысы бөлімінің басшысы Рекида Ирина Михайловна. Мақала конференция отырысында баяндама ретінде оқылмады, бірақ материалдар жинағына енді.
Невзоровтар отбасы музейінің қызметкерлерінің осы конференцияға алғашқы қатысуы емес. «Қастеев оқуларына» баяндамамен қатысу музей үшін жаңа таныстар табуға, әрі қарай жұмыс істеуге жігерлендіретін жақсы дәстүрге айналды.