Абай облысының Семей қаласының Невзоровтар отбасы атындағы облыстық бейнелеу өнері музейінде бүгін үлкен оқиға. Бірінші қабаттың анфиладасы Ресейдің Барнаул қаласынан келген жас суретшілер мен олардың педагогтарының туындыларымен толықты. Біздің елдеріміздің мәдени ынтымақтастығының тамыры терең және мүмкіндіктері кең. Бүгінде бұл балалар туындылары мен кәсіби суретшілердің туындыларын көрсететін екі көрме. Бір көрме жобасының бөлігі бола отырып, әр көрменің өз атауы ғана емес, сонымен қатар өзіндік идеясы мен философиясы бар.
«Әрбір сәттен сұлулықты көре білу» — бұл шығармашылық адамның әлемге көзқарасы. Қарапайым адам байқамай қалуы мүмкін нәрсе суретшінің қырағы назарынан тыс қалмайды. Суретші көзіне түскен нәрселерден әдемілік пен сұлулықты сезінуді үйренеді, өйткені ол үшін көргендері маңызды. Сол көрген әдемілікті, тарихи сәттерді, табиғат сұлулығын көркемсурет тілімен көрерменге жеткізеді. Суретшінің көркем құралдары әртүрлі болуы мүмкін. Сондықтан көрмеде әртүрлі техникадағы жұмыстар ұсынылған. Мұнда графика, майлы кескіндеме және акрил кескіндемесі де бар. Әр көркем туынды ерекше. Көрмеде ұсынылған көркем жұмыстар суретшінің ішкі әлемін, оның ерекше көзқарасы мен сезімін ашады. Барлық суретшілер — Барнаул қаласындағы № 2 Балалар көркемсурет мектебінің педагогтары. Олар өз оқушыларына әрбір сәттен сұлулықты көре білу және заттар мен оқиғалардың легін терең сезіну қабілетін үйретеді.
Жобаның екінші көрмесі Ұлы Жеңістің 80 жылдығын мерекелеуге арналған және «Мәңгілікке есте сақтап, жадымызда ұстаймыз» деп аталады. Мектеп директорының көрме жұмысы жөніндегі орынбасары, сурет және композиция мұғалімі Толматова Татьяна Юрьевна көрме туралы айтып өткендей «Бұл бүгінгі күнге дейін ешкімді бей-жай қалдырмайтын тақырып. … Біз өткенді еске аламыз, тарихқа жүгінеміз. Себебі Ұлы Отан соғысы тақырыбы әр отбасының тарихы». Көрмеде маңызды конкурстық іріктеуден өткен балалардың жұмыстары ұсынылды. Дайындық жұмыстары оқу жылының басынан бастап мұқият жүргізілді.
«Барнаул қаласындағы № 2 Балалар көркемсурет мектебі» — бұл Алтай өлкесінің тірек мектебі және оқушыларды тек бейнелеу өнері саласында оқытумен айналысатын жалғыз көркемсурет мектебі. Биыл мектеп өзінің 35 жылдық мерейтойын атап өтуде.
Көрме жобасы аясында мектеп педагогтары музейдің балалар көркемсурет студиясының оқушыларымен де өз білімдерімен бөлісті. Педагог-суретшілер Адасикова Наталья Витальевна мен Вахненко Елена Викторовна көрменің ашылу алдында екі шеберлік сабағын өткізді. Студияның ересек және кіші топтарының балалары акварель техникасында жұмыс істеудің жаңа тәсілдерін үйренді.
Іргелес көршілеріміздің үлкен және алуан түрлі көрме жобасы көрермендердің алғыс пікіріне кеңелді және мәдени халықаралық ынтымақтастықтың маңыздылығын дәлелдеді.
