Бүгін керемет суретші, график, профессор, ҚР Суретшілер Одағы мен ҚР Дизайнерлер Одағының мүшесі Нұрбұлан Нұғманұлы Өтепбаевқа 73 жыл толар еді.
Суретшіге шығармашылық әрқашан өмірлік қуат көзі болды. Ол Қазақстанның бейнелеу өнерінің дамуына зор үлес қосты. Нәзік және лирикалық акварель пейзаждары, қазақ өмірінің философиялық мағыналы жанрлық сахналары, түрлі графикалық техникада орындалған ою-өрнекпен жасалған жаңашыл эксперименттер оның көрмелерін бірегей етіп, көрермендердің көңілінен шығатын. Оның көркем шығармашылығы педагогикалық шығармашылықта да жалғасын тапты. Ол жоғары оқу орындарының өнер факультеттерінің студенттеріне арналған көптеген ғылыми еңбектер мен оқулықтардың авторы.
Нұрбұлан Нұғманұлы 8 тамыз күні дүниеден озды. Аз уақыт өтті, жоғалтудың ауыр қазасы жүректі әлі де сыздатуда. Бүгін бейнелеу өнері музейі сүйікті суретшісінің туған күнін атап өте отыра, шебердің отбасына және шығармашылығының барлық жанкүйерлеріне қарапайым жылулыққа толы сөздер жолдайды.
Туған күніңізбен, Нұрбұлан Нұғманұлы. Мұраңыз үшін рахмет.
Құрметті көрермендер, Сіздерге Невзоровтар музейінде 2021 жылдың қазан айында өткен суретшінің 70 жылдығына арналған «Атамекен» мерейтойлық көрмесінің репортажын тағы бір рет көруді ұсынамыз.
