Біз бүгіннен бастап Невзоровтар отбасы атындағы ШҚО бейнелеу өнері музейі жексенбі және дүйсенбіден басқа, күн сайын сағат 10.00-ден 17.00-ге дейін (касса 16.30-ға дейін жұмыс істейді) ашық және қонақтарды қабылдауға дайын екенін қуана хабарлаймыз.
Қазақстан, Батыс Еуропа және орыс өнері экспозицияларының тұрақты бөлімдерінен басқа музейде тағы 2 апта бойы мына көрмелер жұмыстары жалғасатынын еске саламыз:
- Ақын және ойшыл Абай Құнанбайұлының 175 жылдығына арналған «Абай әлемі және жолы» музей қорынын шығармалары. Бес экспозициялық залдарда қазақстандық авторлардың 80-нен астам кескіндеме, графика және сәндік-қолданбалы өнер туындылары ұсынылған, олар ақынның өмір жолын, оның өсіп, қалыптасқан ортасын және оның шығармашылығына әсер-ықпалын тигізген адамдарды байқауға мүмкіндік береді.
- XIX ғасырдың басындағы француз суретшілерінің суреттері Александр де Лабордтың 1806 жылғы «Испанияның көркем және тарихи жерлеріне саяхат» кітабына суреттер альбомынан алынған. Музей коллекциясында Каталонияның сәулет ескерткіштері бейнеленген 21 парақ бар.
- Қазақстан Республикасы Конституциясының 25 жылдығына арналған «Қазақстанның жері мен халқы» музей қорындағы кескіндеме және графика жұмыстары. Көрмеде қазіргі Тәуелсіз Қазақстанның танымал қазақстандық суретшілері мен кеңес дәуірінің жетекші шеберлерінің 30-дан астам туындысы ұсынылған.
Көрмелерді нақты режимде көру мүмкіндігін жіберіп алмаңыз!
Музейге барудың жаңа ережелері туралы ұмытпаңыз: бетперде режимін сақтау қажеттілігі, кіре-берісте температураны өлшеу, 10 адамнан аспайтын топтарға экскурсия жүргізу және т.б.
Толық ұсынымдармен Сіз музейдің https://nevzorovcollection.org/zhanalyktar/zhadynama?lang=kz сайтында таныса аласыз.
