Сильвестр Щедрин. Неаполь маңындағы күннің батуы кезіндегі көрініс

   Сильвестр Феодосиевич Щедрин (1791-1830) — тек орыс емес, батысеуропалық кескіндемедегі белгілі суретшілердің бірі. Дарынды суретші отбасынан шыққан, ол тоғыз жасында Өнер академиясының табалдырығын аттайды. Сильвестр Щедриннің балалық шағы сол жерде өтеді. 1817 жылы «Петров аралынан қарағандағы көрініс» туындысы үшін алтын медаль алған, Щедрин Академия зейнеткері ретінде Римге барады. Өмірінің соңғы жылдарын Неаполь қаласында өткізеді.
Оның неаполитандық пейзаждары жарық пен ауаға толы, бұл әрдайым адам өмір сүретін, әдемі оңтүстік табиғаты, онда адамдар табиғатпен келісім мен бірлікте өмір сүреді. 19 ғасырдың басында Щедрин пленэрге алғашқылардың бірі болып жарық беру мәселелерін әзірлей отырып жүгінеді. Сурет бейнесінің айқындылығы мен шынайылығының жаңа құралдарын іздейді. Классикалық кескіндеменің тұтастығы мен мазмұндылығын сақтай отырып, ол орыс кескіндемесі әлі білмеген өмірдің керемет және тірі сезіміне толы романтикалық пейзаждар жазады.
   «Неаполь маңындағы күннің батуы кезіндегі көрініс», 1929, суретшінің өмірінің соңғы жылында орындалған. Мұнда, Неапольде, Щедрин шығармашылық үшін сарқылмайтын өнер көзін табады және әсіресе жиі тікелей табиғаттан сурет салады. Жаңа, поэтикалық түрлерді іздеуде ол «бір де бір ландшафтық аймаққа аяқ баспаған» жерге баруға ұмтыла отырып, «есек мініп дүниенің төрт бұрышын кезген». Үдемелі ауруға қарамастан, ол сурет салуды тастамады. Қайтыс болғанға дейін ағасына жазған хаттардың бірінде, суретші өзі салған Неаполь төңірегінің сегіз шағын көрінісі туралы айтады. Музей коллекциясында олардың бірі сақтаулы.
   Оңтүстік табиғаттың осы бұрышында ерекше әсемділік бар. Суретші сұлулықты ежелгі қирандылардан және өткеннің ұлы ескерткіштерінде емес, күнделікті өмірде табады. Бұл тұйық тыныш әлемді оның мекендеушілерінсіз елестету мүмкін емес. Адамдар көрермен алдында өзін жақсы көрсетуге тырыспай-ақ қалыпты өмірлерін сүруде. Табиғаттағы тыныштық пен тәтті маужыраған сезімге назар аударғандай, жас балықшы қайықтың астында орналасқан. Щедринде адам табиғат әлемінің ажырамас бөлігі болып табылады, онымен үйлесімді және үндестікте өмір сүреді.