Көктемнің келуі ғасырлар бойы көңіл-күйді көтеріп, жақындап келе жатқан жылудың, ағаштар мен шөптердің гүлденуінің энергиясымен толтырады, жақсылыққа үміт ұялатады. Дәл осы көктемде, Халықаралық әйелдер күніне орай, Невзоровтар отбасы музейінде Семей суретшісі Талғат Тәтиевтің «Түстер энергиясы» атты көрмесі ашылды. Экспозицияда ұсынылған шебердің көптеген суреттері осындай сезімдерді тудырады.
Талғат Тәтиев — Семей қаласының Шәкәрім атындағы университетінің өнер және музыка кафедрасының оқытушысы, ҚР Суретшілер Одағының мүшесі. Музей қабырғасында ол алғаш рет жеке көрмеге қойылып отыр, дегенмен, ол топтық көрмелерде тұрақты қатысушы болып табылады.
Тәтиев қаламыздың шығармашылықпен жұмыс істейтін бірнеше шеберлерінің бірі. Оның кескіндемесі — бұл түс пен жарықтың тұрақты ойыны, көптеген реңктердің жылтылдауы, энергияның тербелісі, әлемге деген көзқарасы. Суретшінің жұмысы бір сарынды емес, оның абстрактік бағыты таза стиль болып табылмайды. Автордың қылқаламы үнемі қозғалыста, таңғажайып түс комбинацияларын іздеуде, олардың арасында көрермен белгілі бір дизайнды, тақырыптық әлемнің құрылымын, сәулет және табиғи формаларды көре алады.
Экспозицияда суретшінің жеке коллекциясынан да, музей қорынан да жұмыстар ұсынылған. Ең ерте — натурадан жазылған студенттік портрет. Өте жеңіл, импрессионистік түрде салынған кенеп автордың көркемдік темпераментін ашады.
1991 жылы Крупская атындағы СМПИ өнер және графика факультетін бітіргеннен кейін тағдыр болашақ суретшіні Невзоровтар отбасы атындағы бейнелеу өнері музейіне алып келді, онда ол жеті жылға жуық суретші-реставратор және бас қор сақтаушы болып жұмыс істеді. Музей оған өзіндік шығармашылық базасы мен мектебіне айналды. Бұл уақыт болашақ көркем қолжазба мен жазу тәсілін іздеу болды. Осы кезеңге «Есте сақтау», «Пейзаж» экспонаттары кіреді. Олар қараңғы түс гаммасымен және ой пішіндерімен ерекшеленеді.
1997 жылдан 2003 жылға дейін Талғат Тәтиев еркін суретші бола отырып, шығармашылық қызметпен белсенді айналысты. Осы уақытта ағайынды Олександр және Евгений Махномен бірге «САК» тобын — Семей АРТ-ұжымын құрады, ол 1998 жылы Ә.Қастеев атындағы мемлекеттік өнер музейіндегі галереялар шеруіне белсенді қатысты. Сорос қорының грантын жеңіп алған «САК» тобы Семейде «Барлық елдердің Семейліктері — бірігіңдер!» атты акция өткізді.
Дәл осы уақытта «Теледидар» 2002, «Екеуі» 2003, «Би» 2003 туындылары жасалды. Бұл картиналар алғашқы жұмыстардан түсімен, идеясымен, көрерменге жеткізу көзқарасымен айтарлықтай ерекшеленеді. Негізі автор сурет салу кезінде алдын-ала ойлаған идеямен жұмыс жасауды ұстанбайды, керісінше сол мезетте келген ойларды кенеп бетіне түсірумен айналысады. Қазірдің өзінде Тәтиев түстермен, бояу жаққылармен және реңкі нюанстармен ойнай бастайды.
2003 жылдан бастап осы уақытқа дейін Талғат Әбікенұлы оқытушылық қызметпен айналысады, үнемі шығармашылықпен жұмыс істейді және қалалық, облыстық, республикалық, халықаралық көрмелерге, конкурстарға, симпозиумдар мен биенналеге қатысады.
Тәтиевтің айтуынша, оған пленэр қатты әсер берді. Тікелей заттың өзіне қарап жазу палитраны жарықтандыруға, оны түрлі-түсті, еркін етуге және бояуды ауа мен жеңілдікке толтыруға көмектесті. Оның кейінгі жұмыстарының элементтері мен энергиясы жылжымалы және қанық бояу жаққылармен бірге кенепті көрерменнің назарын әзіне аударатын асыл тастарға айналдырады. Барлық осы қасиеттер соңғы екі онжылдықтың аралығындағы көрменің көптеген картиналарын сипаттайды. Олар экспозицияға алдағы көктем мен мерекенің атмосферасын орнатады.
